သက်​ဝင်​​နေ​သောဘီလူးရုပ်​၂

ကျွန်ုပ်နှင့်ကိုတောကျော်
===============
(သက်ဝင်နေသောဘီလူးရုပ်)
(ဒုတိယပိုင်း-နိဂုံး)
==================================

အသားတုံးများပျောက်ခြင်း
--------------------------

သို့နှင့်ပင်သုံးရက်ခန့်ကြာသွားလေပြီ..။
"အကို့ကိုပြောစရာရှိတယ်"
တစ်ညနေကျနော်ရုံးဆင်းပြီးအိမ်ပြန်ရောက်..ရေချိုး
အဝတ်အစားလဲ၍ ဧည့်ခန်းတွင် ထိုင်မိသည့်ခဏတွင်
ဇနီးသည်ကစကားစလာခြင်းပင်...
"ပြောလေ နှင်း..ဘာဖြစ်လို့လဲ??"
"အကို့ကို ပြောမယ်ပြောမယ်နဲ့ မသေချာသေး
လို့မပြောပဲနေတာ..အခုသေချာလို့ပြောမှာ.."
"အင်းပါနှင်းရဲ့..ပြောပါ..ဘာသေချာတာလဲ??"
"အကို...အခု နှင်းတို့အိမ်ပုံမှန်မဟုတ်တော့ဘူး..
အမှောင့်ပယောဂတစ်ခုခုဝင်နေပြီထင်တယ်"
"အင်...နှင်းက ဘာကြောင့်ဒီလိုထင်တာလဲ??"
"အကိုကမသိတာ..အခု..မီးဖိုခန်းရေခဲသေတ္တာထဲမှာ
ထည့်ထားတဲ့အသားစိမ်းတွေ လျော့လျော့နေ
တာ ကြာပြီအကို.."

"ဟင်...!!ဟုတ်လား..သေချာရဲ့လားနှင်းရယ်"
"အခုကတော့သေချာပြီအကို..အစောပိုင်း
နှစ်ရက်သုံးရက်ကတည်းက နှင်းသတိထားမိပေမယ့် 
(ငါပဲ အမှတ်လွဲတာများလားမသိဘူး)ဆိုပြီး အကို့ကို
မပြောခဲ့တာ..မနေ့ကတော့နှင်း..မှတ်မှတ်ရရ
ရေခဲသေတ္တာထဲမှာ ဝက်သားတုံး ငါးတုံး..သေချာ
ရေပြီးထည့်သိမ်းခဲ့တာ..ခုမနက် ချက်မယ်ဆိုပြီးကြည့်
လိုက်တော့ နှစ်တုံးပဲကျန်တော့တယ်"
"ဟုတ်လား..အင်း..စဉ်းစားစရာပဲ"
"အကို......."
"ပြော...နှင်း.."
"အကိုနှင်းကို အဓိပ္ပါယ်မရှိတာပြောတယ်ဆိုပြီး
အပြစ်တော့မတင်နဲ့.. နှင်းလဲစိတ်ထဲစဉ်းစားမိ
တာ ပြောမလို့"
"အင်းပါ...ပြောမှာသာပြောပါ..နှင်းရဲ့.."
"နှင်းတော့..အကို ဟိုတလောကဝယ်ထားလိုက်တဲ့
အရုပ်နဲ့များပတ်သက်နေမလားလို့..ဘီလူးရုပ်ဆို
တော့ သူကလဲသားစိမ်းငါးစိမ်းစားတတ်တာပဲလေ"

"ဟင်...ဒါဆို..အဲ့ဒီဘီလူးရုပ်ကအသက်ဝင်ပြီး
အသားတုံးတွေယူစားနေတယ်လို့..နှင်း..ဆိုလို
တာလား??"
"ဆိုလိုတာတော့မဟုတ်ဘူးအကို..သံသယရှိတာပါ"

အင်း............
အမှန်တကယ် အသားတုံးများပျောက်ပျောက်နေတာ
သေချာသည်ဆိုလျင်တော့ နှင်းပြောသည်မှာစဉ်းစား
စရာ တစ်ချက်ပင်..
အိမ်မှာခွေး..ကြောင်လဲမရှိသည့်အတွက် ပျောက်စရာ
အကြောင်းမရှိ..
ပြီးတော့....ကျနော်ပထမဆုံးနှင်းနှင့်အတူ ခြေသံများ
ကြားရခြင်း..ဒုတိယအကြိမ် ကျနော်တစ်ယောက်တည်း တောက်ခေါက်သံ..
ကြိမ်းဝါးရေရွတ်သံ..ဖနောင့်ပေါက်သံများ
ကြားရခြင်းတို့သည်ဘီလူးရုပ်ထုထားရှိရာ
စာကြည့်ခန်းဆီမှပင် ဖြစ်နေသည်မဟုတ်ပါလော??...

သို့ဆိုလျင်.......နောက်ဆုံးတစ်ညက
စာကြည့်ခန်းအတွင်းမှခြေသံသည် မီးဖိုဘက်
လျှောက်သွားပြီးနောက် မီးဖိုထဲမှ ချိုးချိုးချွတ်ချွတ်
အသံများကြားရခြင်းသည်...
ရေခဲသေတ္တာအတွင်းမှအသားတုံးများကို ယူစား
နေခြင်းကြောင့် ထွက်ပေါ်လာသော အသံများပင်လော??..

ဤဖြစ်ရပ်မျိုးကို တစ်ခါမှလည်း မကြုံတွေ့ဖူးသော
ကြောင့် (ဤအတိုင်းဖြစ်ရမည်)ဟု တစ်ထစ်ချစွပ်စွဲ
သတ်မှတ်ရန်မှာလည်း အကြောင်းပြချက်မခိုင်လုံ
သေးကြောင်း ကျနော်သိပါသည်...
သိုနှင့်ပင်........
"ဒီလိုတော့လဲ တစ်ထစ်ချကြီးပြောလို့ မရသေးပါဘူး
နှင်းရယ်..နေပါဦး..နည်းနည်းစောင့်ကြည့်ကြသေး
တာပေါ့.. ပြီးတော့..အကိုလဲ နားလည်တတ်ကျွမ်းသူ
တွေကို တိုင်ပင်မေးမြန်းကြည့်ပါဦးမယ်..နှင်းလဲ အရမ်းကြီးအစွဲအလမ်းကြီးမနေနဲ့နော်..ဥပါဒါန်
ကြောင့် ဥပါဒ်ရောက်နေမယ်.."
ကျနော့်မှာ...ဘယ်လိုဘယ်ကဲ့သို့ ဝေခွဲမရသေးသည့်
အတွက် ဇနီးသည်ကို ပြေရာပြေကြောင်းသာ
နှစ်သိမ့်ပေးလိုက်ရပါလေတော့သတည်း...။
=================================

ပုဏ္ဏကတိုက်ခြင်းပင်လော
-------------------------
"ဖျော...ဖျော..."
ထိုနေ့မှဒုတိယမြောက်ညဖြစ်လေသည်...
ညဦးပိုင်းဆယ်နာရီခန့်သာရှိပါသေးသည်...
သားနှစ်ယောက်နှင့်ကျနော်တို့ဇနီးမောင်နှံ မအိပ်ကြ
သေးပဲ ဧည့်ခန်းတွင်ထိုင်၍ စကားပြော တီဗွီကြည့်
နေကြစဉ်..........အိမ်ခေါင်မိုးပေါ်သို့ တစ်စုံတစ်ယောက်ကလက်ဖြင့်ဆုပ်ပက်လိုက်သလို ကျောက်စရစ်ခဲလေးများ တဖျောဖျောကျသံ ထွက်
ပေါ်လာသဖြင့် မိသားစုအားလုံး တစ်ယောက်မျက်နှာ
တစ်ယောက်ကြည့်လျက် အထိတ်တလန့်ဖြစ်သွား
ကြလေ၏...။
"အဖေ...ဘာသံလဲဟင်...?"
ယင်းအသံကြောင့် သားကြီးသည် ကျနော့်အနား
တိုးကပ်လာရင်းမှ မေးလိုက်ခြင်းပင်..
"ဪ...အပြင်မှာလေတိုက်တော့ လေနဲ့အတူ
သဲမှုံတွေပါလာပြီး အဖေတို့အိမ်ခေါင်မိုးပေါ်
ကျတာနေမှာပါသားရဲ့"
သားကြီးထိတ်လန့်မည်စိုးသောကြောင့် ကျနော်
ဖြေပြောပြောလိုက်ရသော်လည်း တကယ့်တကယ်
တွင်မူ ထိုသို့မဖြစ်နိုင်မှန်း ကျနော့်စိတ်ထဲမှသိနေ
ပါသည်..
ထိုသို့မဖြစ်နိုင်လျင် အဘယ်သို့ဖြစ်နိုင်သနည်း..??
နှင်းသည်ကျနော့်မျက်နှာကိုစေ့စေ့ကြည့်လျက်..

ထိုအခိုက်...အပြင်ဘက်လမ်းမပေါ်မှ အနီးပတ်ဝန်း
ကျင်ရှိသမျှ ခွေးလေခွေးလွင့်အပေါင်းတို့ စုပေါင်း
အူလိုက်သကဲ့သို့ ခွေးအူသံများတစ်ပြိုင်ထဲ
ထွက်ပေါ်လာပြီးနောက် အ်ိမ်ခေါင်မိုးပေါ်မှ တစ်စုံ
တစ်ယောက်၏ဝုန်းဝုန်းဒိုင်းဒိုင်း ပြေးလွှားသံကြီးကို
ကြားရလေတော့၏...
ထိုအချိန်တွင်...သားကြီးနှင့်ဇနီးတို့မျက်နှာမှာကား
တုန်လှုပ်ခြောက်ခြားနေဟန် ဇီးရွက်လောက်သာ
ရှိတော့သည်...
ကျနော်...ဓာတ်မီး ယူပြီးနောက် အိမ်ပြင်ထွက်၍ ခေါင်မိုးပေါ်သို့ထိုးကြည့်သော်လည်း မည်သူတစ်ဦးတစ်ယောက်မျှ မတွေ့ရပါချေ...

ထို့နောက်..အိမ်ထဲသို့ပြန်ဝင်၍ စာကြည့်ခန်းမှန်ဘီရို
ထဲမှ ဘီလူးရုပ်ထုကိုသွားကြည့်မိသောအခါတွင်
ကား..ထူးခြားမှုတစ်ခုကိုတွေ့လိုက်ရပါတော့သည်..
၎င်းမှာ....ဘီလူးရုပ်ထုကလေးသည် အပြင်ဖက်သို့
မျက်နှာလှည့်ထားရာမှ ယခုမူ...နံရံအတွင်းဘက်သို့
မျက်နှာမူလျက် ကျောခိုင်းအနေအထားဖြင့်
တွေ့လိုက်ရခြင်းပင်တည်း...။
"အကို...နှင်းပြောတာမှန်တယ်လို့မထင်ဘူးလား??"
ကျနော့်လက်မောင်းကို ဆုပ်ကိုင်၍
နှင်းပြောလိုက်သောအသံ..
နှင်းမျက်လုံးကလေးများမှာ ဝိုင်းဝိုင်းလည်လျက်..
"အင်းးးးးးးးးးးးး"
ထိုကဲ့သို့...လမ်းမပေါ်မှခွေးများအူသံ..
အိမ်ခေါင်မိုးပေါ်သို့ခဲများတဖျောဖျောကျသံ..
ခေါင်မိုးပေါ်မှ ဝုန်းဝုန်းဒိုင်းဒိုင်းပြေးလွှားနေသံတို့သည်
အချိန်အတန်ကြာမှပင်..
တဖြည်းဖြည်းတိုးတိတ်ပျောက်ကွယ်သွားခဲ့လေသည်...။
=================================

သားကြီးကိုပါအတူခေါ်အိပ်ရခြင်း
-------------------------------
"အား....အဖေရေ..အမေရေ..အီးဟီးဟီး.."
ကြုံရပြန်လေပြီ...
နောက်တစ်နေ့ည..မိသားစုအိပ်စက်ရာမှ ညဥ့်
သန်းခေါင်ကျော်အချိန်တွင် ဘေးတစ်ဖက်
သားကြီးအခန်းဆီမှ ငယ်သံပါအောင်အော်ဟစ်
လိုက်သံကြောင့် ကျနော်တို့လင်မယားနှစ်ယောက်
လုံး..နိုးလာကြလေ၏..။
"အကို...သားကြီးအခန်းမှာ...
ဘာဖြစ်တာလဲ မသိဘူး"
နှစ်ယောက်သားအိပ်ရာမှ ဝုန်းကနဲထပြီး တစ်ဖက်
သားကြီးအခန်းဆီသို့ပြေး၍ တံခါးဖွင့်မီးဖွင့် ကြည့်
ကြလေသောအခါ....သားကြီးမှာစောင်ကိုခေါင်းမြီး
ခြုံ၍ အော်ဟစ်ငိုယိုနေသည်ကို တွေ့ရလေတော့
သည်..။
နှင်းကား..မိခင်ပီပီပြာယာခပ်သွားလေတော့၏...။

"ဟဲ့...သားကြီး..သားကြီး..ဘာဖြစ်တာလဲ..
အမေတို့လာပြီလေ.. ထ..ထ..."
ကျနော်သားကြီးခေါင်းမြီးခြုံထားသောစောင်ကို
ဖယ်၍ ကုတင်ပေါ်မှပွေ့ယူလိုက်သောအခါ
သားကြီးမှာ ရှိုက်ကြီးတငင်ငိုယိုလျက် တစ်ကိုယ်လုံးမှာလည်း..နတ်ပူးသကဲ့သို့ တဆတ်ဆတ်တုန်နေလေ၏...။
"ကဲ...လာ..လာ..နှင်း..မီးတွေအကုန်ဖွင့်ကွာ..
အောက်ထပ်ဘုရားခန်းထဲဆင်းရအောင်"
နှင်းကသားဇောဖြင့် ဂမူးရှူးထိုးပြေးဆင်းမည်အပြု...ကျနော်လှမ်း
အော် သတိပေးလိုက်ရလေသေးသည်...။
"နှင်း...သားငယ်လေးကိုလဲ တစ်ယောက်ထဲမထား
ခဲ့နဲ့..အိပ်ပျော်နေလဲတစ်ခါထဲချီပြီးခေါ်ခဲ့..."

ဤသို့ဖြင့် မီးများအကုန်ဖွင့်၍ မိသားစုလေးယောက်
လုံး ဘုရားခန်းထဲရောက်လာကြလေသည်...
"နှင်း...သားကြီးကိုပရိတ်ရေတိုက်ကွာ.."
နှင်းက ဘုရားကျောင်းဆောင်ဘေးရှိ ရေသန့်ဗူး
ထဲမှ ပရိတ်ရေကိုယူ၍ တိုက်သောအခါတွင်မှ 
သားကြီးမှာ..သွေးရူးသွေးတမ်းအော်ဟစ်ငိုယိုနေ
ရာမှ တဖြည်းဖြည်း အသက်ရှူပြန်မှန်လာလေတော့သည်..။
"သားကြီးရယ်...ဘယ်လိုများဖြစ်တာလဲကွယ်..
အမေဖြင့်ရင်ထိတ်လိုက်တာ.."
"သားအိပ်ပျော်နေတုန်း...လန့်နိုးလို့ကြည့်လိုက်တော့
ကုတင်ခြေရင်းအမှောင်ထဲကနေ..မျက်လုံးကြီိးနှစ်
လုံး..နီရဲနေတာပဲ..သားကိုစိုက်ကြည့်နေတာ..
သားကြောက်တယ်မေမေ..အီး..ဟီးဟီး"

နှင်းသည်...စိုးရိမ်ခြင်းတဝက်..အပြစ်တင်ခြင်းတ
ဝက်မျက်လုံးများဖြင့်ကျနော့်မျက်နှာကိုလှမ်းကြည့်
လိုက်ပြီးနောက်.....
"ကဲပါသားရယ်...အခုမကြောက်တော့နဲ့..အဖေအ
မေတို့လဲရှိတယ်..အခု..သား..ပရိတ်ရေလဲသောက်
ပြီးပြီ..သားဘာမှမဖြစ်တော့ဘူး..သိလား.."
ကျနော်လဲ သားကြီးကိုပွေ့ချီရင်း နှုတ်မှလည်း
သမ္ဗုဒ္ဓေဂါထာတော်ကြီးကို အဆက်မပြတ်ရွတ်ပေး
နေမိပါသည်..။
အတော်ကြီးကြာသည့်နောက်....
..သားကြီးပုံမှန်ပြန်ဖြစ်သွားမှ....
"ကဲ...နှင်းရေ..အကိုတို့ပြန်အိပ်ကြစို့..မီးတွေ
တော့ မပိတ်နဲ့တော့ကွာ..သားကြီးကိုလဲ 
တစ်ယောက်ထဲမသိပ်တော့ဘူး..အကိုတို့အခန်း
ထဲပဲခေါ်သိပ်ရအောင်.."
အိပ်ခန်းထဲပြန်ရောက်ကြသည်တွင်... နှင်းသည်
လေသံတိုးတိုးဖြင့်..ပြောလာလေ၏..။
"ကဲ...အကို..အခြေအနေကတော့ မကောင်းတော့
ဘူး..ဘာလုပ်သင့်တယ်ဆိုတာ အကို့ဘာသာပဲ
ဆုံးဖြတ်ပါတော့"
"အင်းးးးးးးးးးးးးး"

သို့နှင့်...ထိုညတွင်ကား ကျနော်သည်...
အခြေအနေအရပ်ရပ်ကိုသုံးသပ်လျက်..
"ဘယ်လိုများဖြစ်ပါလိမ့်မလဲ..ဒီအခြေအနေကို
ဘယ်လိုအေးချမ်းအောင်လုပ်ရပါမည်လဲ"..ဟု
စဉ်းစားတွေးတောရင်း နိုးတစ်ဝက်အိပ်တစ်ဝက်ဖြင့်
သာ မိုးစင်စင်လင်းခဲ့ရပါလေတော့သတည်း..။
=================================

မျက်ဝါးထင်ထင်မြင်ရလေပြီ
---------------------------
ထိုမှနောက်တွင်တစ်မိသားစုလုံးညအိပ်သည့်အ
ခါတိုင်းအပြင်မီးအားလုံး အမြဲဖွင့်၍သာအိပ်ကြပါတော့သည်....

သို့နှင့်...တစ်ခုသောည...
ဤညသည်ကား..ကျနော့်ဘဝတစ်သက်တာတွင်
သွေးပျက်ခြောက်ခြားဖွယ်အကောင်းဆုံး ညပင်
ဖြစ်ခဲ့ပါသည်..။
ထိုည.......
ကျနော်..တစ်စုံတစ်ခုသောအငွေ့အသက်ကြောင့်
အိပ်ပျော်နေရာမှ ဆတ်ကနဲနိုးလာသည်တွင်
တစ်အိမ်လုံး မှောင်နှင့်မည်းမည်းဖြစ်နေလေသည်..။

မအိပ်ခင်..အပြင်မီးအားလုံးဖွင့်ထားပြီးမှအိပ်ကြ
သည်ပဲ..
ယခုအဘယ့်ကြောင့် မှောင်မည်းနေရသနည်း...
မီးပျက်နေခြင်းပင်လော??
ကျနော်မနေသာတော့..ကုတင်ပေါ်မှအသာအယာ
ဆင်းကာ အခန်းဘေးမှပြတင်းပေါက်သေးသေးလေး
ကို အသံမမြည်စေရန် သတိထား၍ တွန်းဖွင့်
လိုက်ပါသည်..။
[ထိုပြတင်းပေါက်ကလေးမှ...အောက်ထပ်
အိမ်အလယ်လျှောက်လမ်းနှင့် မီးဖိုခန်း.
..ထမင်းစားခန်းတို့ကို လှမ်းမြင်ရပါသည်]
အပြင်တွင်....
ဘုရားခန်းမီးအလင်းရောင်ကတော့ တစ်အိမ်လုံးတွင်
မှုံဝါးဝါးရှိနေသည်မို့ မီးပျက်နေခြင်းလည်း မဟုတ်
ပါ..။ 
ကျနော်..အတော်အံ့သြမိရပြီ...
....အသို့ပင်နည်း...
ဤသို့ဆိုလျင်.....တစ်စုံတစ်ယောက်ကမီးများအား
လုံးကို ပြန်ပိတ်လိုက်ခြင်းပင်လော..??
ထိုတစ်ယောက်သည်..မီးခလုတ်များလိုက်ပိတ်ခဲ့
သည်ဆိုလျင်...ဘုရားခန်းမီးကိုမူအဘယ့်ကြောင့် မပိတ်ပဲချန်ထားခဲ့သနည်း..??
ထိုတစ်ယောက်သည်..ဘုရားခန်းအတွင်းသို့
ဝင်၍မရသောကြောင့်ပင်လော..??

ကျနော့်မှာအတွေးများဖြင့် လုံးချာလည်နေခိုက်
မီးဖိုခန်းဆီမှ ချိုးချိုးချွတ်ချွတ်အသံများ ကြားရသဖြင့် လှမ်းကြည့်လိုက်မိသောအခါတွင်ကား...

"အမလေး....ဘုရား...ဘုရား..."
ကျနော်..နားထင်နားရင်းများထူပူ၍..ဆံပင်မွေးများ
ထောင်ကာ... ခေါင်းကြီးပင် ပုတ်လောက်ကြီးသွား
သယောင် ထင်လိုက်မိပါတော့၏...။

မြင်လိုက်ရသည်မှာကား......
မပီဝိုးတဝါးအလင်းရောင်အောက်တွင် အမွေးစုတ်ဖွားနှင့်မည်းမည်းအကောင်ကြီးတစ်
ကောင်သည်..မီးဖိုခန်းဝင်ပေါက်ဘေးရှိ ရေခဲ
သေတ္တာရှေ့တွင် ငုတ်တုတ်ထိုင်ကာ..ရေခဲသေတ္တာ
အတွင်းမှ အသားတုံးများကို ယူငင်စားသောက်နေ
သည်ကို တွေ့လိုက်ရခြင်းပင်တည်း...။

ကျနော်...အသက်ပင်ရဲရဲမရှူဝံ့ပါ..
မျက်တောင်မခတ်တမ်း စူးစိုက်ကြည့်နေမိရာမှ
ထိုမည်းမည်းအကောင်ကြီးသည် ကျနော်ကြည့်နေသည်ကို သိနေသည့်အလား
တစ်ကြိမ်တွင်....
ကျနော့်ဆ်ီသို့လှမ်းကြည့်လိုက်လေရာ....
၎င်း၏ရဲရဲတောက်နေသောမျက်လုံးကြီးနှစ်လုံးနှင့်
မျက်လုံးချင်း ဆုံမိသည်တွင် ကျနော်၏အသည်း..နှလုံး..ကလီစာများပင် ပြောင်းပြန်လန်သွားသည်ဟု ထင်လိုက်မိပါတော့သည်..။

ကျနော်နှုတ်မှလည်း သမ္ဗုဒ္ဓေဂါထာတော်ကို
အဆက်မပြတ်ရွတ်ဆိုရင်း တံခါးရွက်ကိုပြန်စေ့လိုက်
ကာ ခပ်ဟဟကြားလေးထဲမှ ချောင်းကြည့်နေမိစဉ်
မှာပင် ထိုမည်းမည်းသဏ္ဍာန်ကြီးသည် မီးဖိုခန်းမှ
ပြန်ထွက်လာပြီးနောက် ကျနော့်မျက်စိရှေ့အောက်
မှဖြတ်ကာ...စာကြည့်ခန်းအတွင်းသို့ဝင်ရောက်
ပျောက်ကွယ်သွားပါတော့သည်...။

နှင်းပြောခဲ့သည်မှာ သေချာနေလေပြီ..
ဤဘီလူးရုပ်ထုကို ကျနော့်အိမ်တွင် မည်သို့မျှ
ဆက်ထား၍မဖြစ်တော့ပါ..
အဘယ်သို့ပြုရမည်နည်း..ယခုမျက်ဝါး
ထင်ထင်မြင်ခဲ့ရသောအဖြစ်အပျက်ကိုလည်း
အကြောက်လွန်မည်စိုးရသောကြောင့် နှင်းအပါအဝင်မိသားစုကိုပြောပြ၍မဖြစ်ပါ..
ကျနော်စခဲ့သည့်ဇာတ်လမ်း...ကျနော်ပင် အဆုံးသတ်
ရပေတော့မည်..
မည်ကဲ့သို့အဆုံးသတ်ရပါအံ့...။
==================================

အိပ်မက်ထဲမှအဖိုးအို
--------------------
နောက်တစ်နေ့ညတွင်ကား...ကျနော်သည်
ညဦးပိုင်း ၇ နာရီခန့်..ကိုယ်လက်သန့်စင်၍ ဘုရား
စင်တွင် ပန်းရေချမ်းဆီမီးပူဇော်ပြီးနောက်
ဘုရားရှိခိုး..အရပ်ဆယ်မျက်နှာ ပုဂ္ဂိုလ်သတ္တဝါ
အပေါင်းတို့အား..အထူးတလည် မေတ္တာပို့အမျှ
အတန်းပေးဝေ၍ အိပ်ရာဝင်ခဲ့ကြပါသည်...
ထိုညတွင်ပင် ကျနော့်မှာ ထင်ရှားပီပြင်လွန်းသော
အိပ်မက်တစ်ခုကိုမြင်မက်လေတော့၏...။

သမ္မာဒေဝနတ်ကောင်းနတ်မြတ်တစ်ပါးပါးမှ 
စောင်မကြည့်ရှုခြင်းဟုပင် ထင်မိပါသည်...။
အိပ်မက်မှာစင်းလွန်းသဖြင့် အပြင်တွင် တကယ်
ကြုံခဲ့ရသလား...ဟုပင် ထင်မှတ်ရလေ၏..။
အိပ်မက်မှာ ဤသို့တည်း....

နေ့လည်ခင်းအချိန်..ကျနော်တစ်ဦးတည်း အိမ်
အောက်ထပ်ဧည့်ခန်းတွင်ထိုင်နေခိုက် ဝတ်ဖြူစင်
ကြယ်ဝတ်ဆင်ထားသောအဖိုးအိုတစ်ဦး ရုတ်တရက်အိမ်ပေါက်ဝ၌ ရောက်ရှိလာခြင်းပင်...
အဖိုးအိုမှာ....ဦးခေါင်း၌လည်း ပဝါဖြူတစ်စကို
ခေါင်းပေါင်းထားပြီးနောက်လက်တွင်း၌လည်းပုတီးတစ်ကုံးကို ကိုင်စွဲထားလေ၏..။

"လူလေးရေ...ဝင်ခွင့်ပြုပါကွယ်"
"ဪ...ဟုတ်ကဲ့အဖိုး..ဝင်ပါ.."
အဖိုးအိုသည်အသက်အရွယ်ကြီးရင့်မှုကြောင့်
မျက်နှာတွင် ဇရာ၏အရေးအကြောင်းများပေါ်
လွင်နေသည့်တိုင် ပကတိကြည်လင်ရှင်းသန့်သော
အသွင်ကိုဆောင်လျက်ပင်...
"ထိုင်ပါအဖိုး..ဘာများအလိုရှိပါသလဲ..ကျနော်
ဘာများလှူဒါန်းရပါမလဲ??"
"အထွေအထူးတော့မလိုပါဘူးကွယ်..အဖိုးကို
ရေအေးအေးလေးတစ်ခွက်လောက်ပဲတိုက်ပါ"
"ဟုတ်ကဲ့ပါ...အဖိုး.."
ကျနော်သည်ရေခဲသေတ္တာဆီသို့ပြေး၍ ရေသန့်ဗူးတစ်ဗူးအတွင်းမှရေကို ဖန်ခွက်အပြည့်ထည့်ပြီးနောက် အဖိုးအိုထံကမ်းပေးလိုက်လေသည်...။

အဖိုးအိုသည်...ရေအေးအေးကိုသောက်သုံးပြီး
နောက်....
"လူလေး...အခု..အဖိုးလာတာ..လူလေးကို
အသိပေး..သတိပေးချင်လို့ပဲကွယ့်.."
"ဟုတ်ကဲ့...ပြောပါအဖိုး"
"အခု...လူလေးအိမ်မှာ ဘီလူးရုပ်ထုတစ်ခုရောက်
နေတယ်မဟုတ်လား..အဲ့ဒီရုပ်ထုအတွက်လဲ..
လူလေးစိတ်သောကများနေရတယ်မဟုတ်လား??"
အဖိုးအိုသည် အပ်ချမပ်ချ သိနေသောပုံစံဖြင့်
ပြောလေတော့၏...

ကျနော်....ဝမ်းသာသွားပြီး...
"ဟုတ်ပါတယ်အဖိုးရယ်..ကျနော်လဲအဲ့ဒီအတွက်
စိုးရိမ်ပူပန်ပြီး..ဘာဆက်လုပ်ရမလဲလို့ စဉ်းစားမ
ရအောင် ဖြစ်နေပါတယ်.."
"အင်း...ဒါဟာ..လူလေးတို့မိသားစုအတွက်
အလွန်အန္တရာယ်ကြီးတယ်..အခုတောင်မှလူလေးတို့တစ်မ်ိသားစုလုံး ဘုရားတရားနဲ့ ကံမြင့်နေလို့ အန္တရာယ်မပြုနိုင်သေးတာ..တစ်ခါတလေ
သူစိတ်ဆိုးဒေါသထွက်ပြီးရေရွတ်ကြိမ်းမောင်းနေတာမျိုးရော..လူလေးကြုံဖူးသလား??"
"ဟုတ်ကဲ့..ကြုံဖူးပါတယ်အဖိုး..."
"အဲ့ဒါ...လူလေးအိမ်မှာ..သူစားဖို့သောက်ဖို့အ
သားစိမ်းမရှိတဲ့အခါမှာဖြစ်တတ်တယ်..ဆိုတာ
ရော..သတိထားမိရဲ့လား??"

ဟင်........
ထိုသို့မူကျနော်သတိမထားမိခဲ့ရိုးအမှန်ပင်..
"အဲ့ဒီတော့ကွယ်...အတိုချုံးပြောရရင် တစ်ချိန်ချိန်..အိမ်သားတွေသတိလက်လွတ်ဖြစ်တဲ့အချိန်..အိမ်မှာလဲသူယူစားစရာ..ဘာအသားငါးမှမရှိတဲ့အချိန်နဲ့ကြုံကြိုက်ရင်လူလေးတို့မိသားစုထဲက ကံနိမ့်သူကို ယူငင်ဖမ်းစားတဲ့အထိဖြစ်လာနိုင်တယ်.."

"ဗျာ....!!ဟုတ်...ဟုတ်ကဲ့..ဒါဆို ကျနော် ဘယ်လိုလုပ်ရပါ့မလဲ...အဖိုး.."
"အထူးလုပ်စရာမရှိပါဘူးကွယ်..ငါ့သားအဲ့ဒါကို
ဘယ်နေရာကနေယူလာသလဲ..ယူလာတဲ့နေရာ
ရောက်အောင်ပြန်ထားပေးလိုက်ပေါ့..ဒါဆိုရင်..
ငါ့သားတို့အတွက် ဘေးအန္တရာယ်ကင်းရှင်းသွား
မှာပါ.."

"ဟုတ်ကဲ့အဖိုး...ကျနော် အဖိုးပြောတဲ့အတိုင်း
တသွေမတိမ်း လိုက်နာပါ့မယ်ခင်ဗျာ"
"အေးကွယ်...အေးကွယ့်...ဒါဆိုအဖိုးသွားမယ်..
ကျန်းမာကြပါစေ..ချမ်းသာကြပါစေ..အန္တရာယ်ကင်း
ဘေးရှင်းကြပါစေကွယ်"
အဖိုးအိုသည်ထိုသို့ရွတ်ဆိုပြီးနောက် ထိုင်ရာမှထကာ
အိမ်ထဲမှ တရွေ့ရွေ့ထွက်ခွာသွားပါတော့သတည်း...
=================================

"ကဲ...ဒီရုပ်ထုနဲ့ပတ်သက်ပြီး ကြုံတွေ့ခဲ့ရသမျှကတော့..အဲ့ဒါပဲကိုရဲနိုင်ရေ..
မနေ့ညကအိပ်မက်မက်ပြီး ဒီနေ့ပဲ ခင်ဗျားဆီ
ရောက်အောင်လာခဲ့တာပဲ"
"အင်း....တော်တော်ကြီးခြောက်ခြားဖွယ်အဖြစ်
တွေပဲဗျာ..ရေရှည်များ ကိုသူရအိမ်မှာဆက်ထား
ရင် ဘာတွေများထပ်ဖြစ်လာမယ်မဆိုနိုင်ဘူး..
ကဲ....ဟုတ်ပါပြီဗျာ..ဒါနဲ့..ကျနော့်ကိုအကူအညီ
တောင်းချင်တယ်ဆိုတာကရော..??"

"ဒါကဒီလိုပါ...ကိုရဲနိုင်နဲ့ကိုတောကျော်ကအရမ်း
ခင်မင်ကြတော့ ကိုတောကျော်နေတဲ့ရွာကို ကိုရဲ
နိုင်သိတယ်မဟုတ်လား??"
"သိတာပေါ့ဗျာ...ကျနော်အမြဲရောက်နေကျပါ"
"အင်းဗျာ...ကျနော်အကူအညီတောင်းချင်တာ
ကလဲအဲ့ဒါပဲ..ကျနော်ကကိုတောကျော်နေရာမသိတော့ ကိုရဲနိုင်ကပဲ ဒီရုပ်ထုကိုပြန်ယူသွားပြီ့း ကိုတောကျော်လက်ထဲပြန်အပ်.... သူယူခဲ့တဲ့နေရာရောက်အောင် ပြန်ပို့ပေးဖို့
ပြောပေးစေချင်တာပါ..ကျနော်သူ့ဆီကဝယ်လိုက်တဲ့
အဖိုးအခကိုလဲ လုံးဝပြန်ပေးစရာမလိုပါဘူး..
ကျနော့်စေတနာပေါ့ဗျာ..ပြန်ပေးစရာမလိုတဲ့အပြင်
သူယူလာတုန်းက ပင်းတယဘက်ကတောင်
ယူခဲ့ရတာဆိုတော့.. ပြန်သွားပို့မယ့်အခါလဲ
သွားဖို့လာဖို့..လမ်းစားရိတ်ကလိုအုံးမှာပဲ..ဒီအတွက်လဲ ကျနော်ခရီးစားရိတ်အဖြစ် ပိုက်ဆံငါးသောင်း
ပါ ထပ်ပေးလိုက်ပါ့မယ်.. ကိုရဲနိုင်အနေနဲ့ ဒါလေးကို
ကူည်ီစေချင်တာပါ..."

"ရပါတယ်ဗျာ...ကူညီရမှာပေါ့..စိတ်ချပါ..
လမ်းစရိတ်လဲမပေးပါနဲ့..လိုအပ်ရင် ကျနော်ပဲ
ပေးလိုက်ပါ့မယ်..စိတ်အေးလက်အေးသာနေပါ..
ကဲ...ဒါဆို..ဒီလိုလုပ်ဗျာ..ကိုသူရရဲ့ဖုန်းနံပါတ်
ကျနော့်ကိုပေးခဲ့..ကျနော်..မနက်ဖြန်မနက်စောစော
အိမ်ကနေကားနဲ့ထွက်လာပြီး ကိုသူရဆီလာမယ်..
ရုပ်ထုကိုယူပြီး တစ်ခါထဲကိုတောကျော်ဆီ
ဆက်သွားမယ်..ရွာထိရောက်အောင်သွားပြီးတော့
သူ့လက်ထဲအရောက်ထည့်ပေးခဲ့ပါ့မယ်ဗျာ..
စိတ်ချပါ..ကျနော်ကတိပေးပါတယ်.."
"ကျေးဇူးပါပဲဗျာ..ကဲ..ဒါဆိုကျနော်တို့သွားကြစို့
ကိုရဲနိုင်ရေ..မိုးချုပ်တော့မှာဆိုတော့ ကျနော့်အိမ်
မှာ တစ်စုံတစ်ခုဖြစ်နေမှာစိုးရတယ်"
ထို့နောက်ထမင်းဆိုင်တွင် ငွေရှင်း၍အိမ်သို့
ပြန်လာခဲ့ကြလေ၏..။
==================================

နိဂုံး
----
ဤသို့နှင့်ပင်........
နောက်တစ်နေ့မနက်တွင်ကား...
အစီအစဉ်အတိုင်း မနက် ၇ နာရီခန့်တွင် ကျနော်
အိမ်မှထွက်ခွာကာ ကိုသူရဆီသွား..ရုပ်ထုကလေး
ကိုယူပြီးနောက် ကိုတောကျော်ရွာအရောက်သွားပြီး
အကြောင်းစုံပြောပြကာ...မူရင်းနေရာရောက်အောင်
ပြန်ပို့ပေးဖို့ပြောဆိုအပ်နှံခဲ့လေ၏...
ကိုတောကျော်လည်း နောက်တစ်နေ့တွင်ပင်
သားအဖနှစ်ယောက် ၄င်းတို့သစ်ခွသွားရှာခဲ့ရာ 
ပင်းတယမြို့အနီးတောနက်ထဲသို့တိုင် ရောက်အောင်
သွားပြီး ရုပ်ထုကလေးကို မူလနေရာတွင်ပင်
ပြန်လည်၍ မြေမြှုပ်အပ်နှံ ထားရစ်ခဲ့လေတော့သတည်း...။
==================================
ပြီးပါပြီ...
ခင်မင်စွာဖြင့်...
By-Thiha Naing**
(ပလိစ်..သဘောထားမန့်လေးများပေးကြလျင်
ဝမ်းသာပါမည်)
‪#‎သက်ဝင်နေသောဘီလူးရုပ်‬